सुदूरपश्चिमः ८६ दशमलब ९३ प्रतिशत संक्रमित निको भए

सुदूरपश्चिम प्रदेशमा पिसीआरबाट आजसम्म परीक्षण गरिएका कोभिड—१९का शङ्कास्पद ७६हजार ५२७ नमूना मध्ये छ हजार ५९२ जनामा कोरोना पुष्टि भएको छ ।  यो सङ्ख्या परीक्षण गरिएको नमूनाको आठ दशमलब ६१प्रतिशत हो । 
 प्रदेशमा निको हुने (डिस्चार्ज)दर ८६दशमलब ९३प्रतिशत छ । आजसम्म कूल सङ्क्रमित मध्ये पाँच हजार ७३१जना डिस्चार्ज भएको सामाजिक विकास मन्त्रालयले जनाएको छ । प्रदेशको कूल जनसङ्ख्या २५लाख ५२हजार ५१७ मध्ये अहिलेसम्म परीक्षण दुई दशमलब ९९प्रतिशत अर्थात् ७६हजार ५२७जनाको नमूना परीक्षण गरिसकिएको छ ।
  यसै बीच पछिल्लो २४घण्टामा कैलाली,डडेलधुरा,दार्चुला,बझाङ,र बैतडी जिल्लाका गरी थप ३९ जनामा कोरोना सङक्रमणको पुष्टि भएको छ । प्रदेशमा पछिल्ला दिनमा सक्रिय सङ्क्रमित बिरामी बढ्दै गएका छन् । गएको २४घण्टामा थप ३२जनामा सक्रिय सङ्क्रमण देखिदा कूल सक्रिय सङ्क्रमित ८४९जना पुगेका छन् ।  कैलालीमा सबै भन्दा बढी ४४० जना सक्रिय सङ्क्रमित पुगेका छन् । यस्तै डोटीमा११९, बैतडी६७,अछाम ६६,बझाङ ६१, कञ्चनपुर४५,दार्चुला३० डडेलधुरा १२ र बाजुरामा नौ जना सक्रिय सङ्क्रमित पुगेका छन् । 
  सेती प्रादेशिक अस्पताल धनगढी,डोटी र डडेलधुरा अस्पतालका प्रयोगशालामा कोभिड—१९का शङ्कास्पद नमूनाको परीक्षण भइरहेको छ । बैतडी जिल्ला अस्पतालमा समेत गत विहीबारबाट प्रयोगशाला सञ्चालनमा आएको छ । हाल सम्म कोरोना सङ्क्रमणवाट कारण कैलालीका सात,बझाङ र बाजुराका दुई÷दुई र अछाममा एक जना समेत १२ जनाको मृत्यु भएको छ ।


Advertisement


Advertisement

कमेन्ट गर्नुहोस्