कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
असोज १०, २०७७
गोरखा स्थायी घर भएका ३३ वर्षीय एक व्यक्तिले खाडी मुलुकबाट आएको केही महिनापछि फेसबूकमा सुनको सिक्री र औंठी लगाएको फोटो पोस्ट गरे ।
केही दिनपछि ती व्यक्तिको फेसबूक आईडीमा एक सुन्दर महिलाले ‘फ्रेन्ड रिक्वेस्ट’ पठाइन् । ती व्यक्तिले ‘रिक्वेस्ट’लाई ‘एसेप्ट’ गरे ।
फेसबूकमा ती दुवैको कुराकानी हुन थाल्छ । कुराकानी भएको केही महिनापछि दुवै जनाले भेट्ने तयारी गरे ।
फेसबूकबाट चिनजान भएका ती दुवै जना गत साउन ६ गते काठमाडौंको नयाँ बसपार्कस्थित एक होटलमा बसे । भलाकुसारीका क्रममा युवतीले पैसा नहुँदा कोठा भाडा तिर्न र छाक टार्न गाह्रो भएको समस्या सुनाइन् ।
आफ्नो काकासँग १५ हजार अमेरिकी डलर रहेको र कहाँ साट्ने थाहा नहुँदा पैसा जुटाउन नसकिएको बताइन् । ती व्यक्तिसँग युवतीले ५ लाख रुपैयाँमा १५ हजार डलर साटिदिन आग्रह गरिन् ।
समस्या सुनेपछि भावनात्मक हुँदै सस्तोमा धेरै डलर पाउने भएपछि साउन ८ गते ती व्यक्तिले साथीभाइसँग खोजेर ३ लाख रुपैयाँ जुटाउँछन् । युवतीले बोलाएको ठाउँ भक्तपुर पुग्छन् । तर त्यहाँ उनले नसोचेको घटना हुन्छ । ती युवतीसँगै आएकाहरूको लुटेरा समूहले सबै पैसा लुटेर लैजान्छ ।
... ...
भक्तपुर प्रहरी परिसरमा गत साउन १९ गते एउटा उजुरी आइपुग्छ । जसमा घटनाक्रम उस्तै तर स्थान फरक हुन्छ । बालकोटमा कपडा व्यवसाय सञ्चालन गर्र्दै आएका एक व्यापारीलाई अपरिचित नम्बरबाट मोबाइलमा फोन आउँछ । फोन उठाएपछि लुटेरा समूहका व्यक्तिले ‘तपाईंको पसलमा पटक–पटक आएर लामो समयदेखि सामान खरिद गर्ने गरेको’ बताउँदै आफू समस्यामा परेको बताउँछ ।
आफूसँग डलर भएको र साट्नको लागि केही प्रक्रिया थाहा नभएको बताउँदै ती व्यापारीलाई सस्तोमा साट्न आग्रह गरिन्छ । सस्तोमा डलर पाइने भएपछि ती व्यापारी ४ लाख रुपैयाँ बोकेर भक्तपुरको सिद्धकाली मन्दिरमा पुग्छन् । लुटेरा समूहको योजना अनुसार नै ती व्यापारीको ४ लाख रुपैयाँ लुटेर रुमालमा पोको पारेको नक्कली डलर दिएर लुटेरा समूह फरार हुन्छ ।
... ...
भक्तपुरमा बालुवा–गिट्टी व्यवसाय गर्दै आएका टोखाका एक पुरुष पनि सोही लुटेरा समूहबाटै लुटिएका छन् । जग्गा किनबेचको काम गर्ने उनलाई पनि अपरिचत नम्बरबाट फोन आउँछ ।
फोन उठाएपछि २ वर्षअघि मालपोत कार्यालयमा भेट भएको भन्दै नजिकिएर समस्या दर्शाउँदै सस्तोमा डलर साट्ने प्रस्ताव गरिन्छ । लुटेरा समूह योजना अनुसार नै उनलाई पनि भक्तपुरको बोडेमा बोलाएर ५ लाख रुपैयाँ लुटेर फरार हुन्छ ।
... ...
रोल्पा घर भई १३ वर्षदेखि ललितपुरमा किराना पसल गर्दै आएका ५६ वर्षीय व्यक्ति पनि सोही लुटेरा समूहबाट लुटिए ।
आफू किराना पसलमा आइरहने बताउँदै केही समस्या बताएर सस्तोमा डलर साट्न आग्रह गर्दै लुटेरा समूह ९ लाख ८० हजार रुपैयाँ लुटेर फरार भयो । सस्तोमा डलर पाउने भएपछि गत असोज ६ गते भक्तपुरको बोडे चिहानडाँडामा पुगेका उनी लुटिएर फर्किए ।
... ...
गोरखा स्थायी घर भई केही समयअघि मात्रै पोर्चुगलबाट नेपाल आएका ३० वर्षीय एक व्यक्तिको पनि सोही लुटेरा समूहले भक्तपुरको रोजभिलेजबाट ५ लाख रुपैयाँ लुट्यो ।
यसरी विभिन्न प्रलोभनमा पारेर लुट्ने समूहलाई महानगरीय प्रहरी परिसर भक्तपुरले शुक्रवार गाठाटारको एक होटलमा मदिरा पिउँदै पैसा बाड्दै गर्दा पक्राउ गरेको छ । नक्कली डलर देखाएर २६ लाख ८० हजार रुपैयाँ लुट्ने १ महिलासहित ५ जनाको गिरोह पर्दाफास भएको छ ।
भक्तपुरका विभिन्न स्थानबाट ३ महिनामा विभिन्न व्यापारी, व्यवसायी तथा विदेशबाट फर्किएका व्यक्तिलाई लक्षित गरी लुटपाट गर्ने गिरोहलाई पक्राउ गरिएको महानगरीय प्रहरी परिसर भक्तपुरका प्रहरी निरीक्षक सुवास बुढाथोकीले जानकारी दिए ।
उनका अनुसार पक्राउ पर्नेमा सिन्धुपाल्चोक जिल्ला बाह्रबिसे नगरपालिका स्थायी घर भई हाल भक्तपुर तथा काठमाडांैका विभिन्न स्थानमा डेरा गरी बस्ने ३६ वर्षीय खेलबहादुर तामाङ, ३३ वर्षीय रेलबहादुर तामाङ, ५६ वर्षीय श्यामबहादुर तामाङ, २५ वर्षीय रामकृष्ण तामाङ र ३२ वर्षीया कान्छी तामाङ छन् । भक्तपुरलाई आधार बनाएर लुटपाटको घटना बढेको सूचनापछि प्रहरीले लुटपाटमा संलग्न व्यक्तिको खोजी कार्यलाई तीब्र बनाएको थियो ।
लामो समयदेखि अनुसन्धानमा केन्द्रित भएर खोजतलास गर्दा प्रहरीले शुक्रवार मध्यपुर थिमी नगरपालिका–९ बाट ८ जनालाई पक्राउ गरे पनि ३ जनाको संलग्नता नदेखिएपछि छाडेको जनाइएको छ ।
फेसबूक आईडी वा फोनबाट युवतीले कुराकानी गर्दै व्यापारी र हालसालै विदेशबाट आएका व्यक्तिलाई डलर साट्ने प्रलोभनमा पारेर लुटपाट गर्ने गरिएको प्रहरीले जनाएको छ । पक्राउ परेका व्यक्तिले आगामी दिनका लागि समेत लुटपाटको योजना बनाउँदै कागज काटेर डलरको लक्कु बनाउँदै गर्दा प्रहरीले पक्राउ गरेको छ ।
लुटेरा समूहबाट प्रहरीले २ लाख ४२ हजार ९३५ रुपैयाँ, विभिन्न कम्पनीका मोबाइल ५, २ वटा मोटरसाइकल र डलर भनी झुक्याउन तयार गरिएको कागजको बिटो २ बन्डल बरामद गरेको छ ।
पक्राउ परेका व्यक्तिहरूको आइतवार म्याद थप गरी थप अनुसन्धान थाल्ने प्रहरी निरीक्षक सुवास बुढाथोकीले बताए ।
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...