०४ साउन २०८३, सोमबार
बुटवलबाट प्रदेश पाँचको राजधानी दाङ सार्ने प्रदेश सरकारको निर्णयको विरुद्धमा नेपाली कांग्रेस रुपन्देहीले आह्वान गरेको रुपन्देही बन्दको प्रभाव बिहानैदेखि परेको छ ।
बन्दका कारण रुपन्देहीमा सार्वजनिक सवारी साधन चलेका छैनन् ।
कांग्रेस, रुपन्देहीका संघसंस्थाहरुले अहिले बुटवलको राजमार्ग चौराहाबाट विरोध प्रदर्शन गर्ने बताएका छन् ।
बुटवलमा आन्दोलन चर्किपछि रुपन्देही प्रशासनले बुटवलका विभिन्न ठाउँमा निषेधाज्ञा जारी गरेको छ ।
नेपाल विद्यार्थी संघका उपसभापति मुक्ति पौडेलले जस्तोसुकै परिस्थित आए पनि बुटवलबाट राजधानी सार्ने निर्णयका विरुद्ध कांग्रेस सडकमा होमिएको बताए ।
प्रदर्शन हुुने देखेपछि बुटवलको सुरक्षा व्यवस्था कडा पारिएको छ । ठाउँ ठाउँमा ठूलो संख्यामा प्रहरी परिचालन गरिएको छ ।
