०२ साउन २०८३, शनिबार
प्रतिनिधि सभा सदस्य सानु सिवा पहाडीको निधन भएको छ ।
मिर्गौला रोगबाट ग्रसित पहाडीको बुधवार निधन भएको नेकपा पार्टी कार्यालयले जनाएको छ ।
सांस्कृतिक अभियानमा सक्रिय पहाडी नेकपाको तर्फबाट समानुपातिक सांसद थिइन् ।
प्रधानमन्त्री एवं नेकपा अध्यक्ष केपी शर्मा ओलीले सिवाको निधनप्रति दुःख व्यक्त गरेका छन् ।
‘हाम्रो पार्टी नेकपाका तर्फबाट प्रतिनिधिसभा सदस्य, संस्कृतिकर्मी सानु सिवा पहाडीको असामयिक निधन भएकोमा दुःख लागेको छ । उहाँप्रति भावपूर्ण श्रद्धाञ्जलि अर्पण गर्दै शोकसन्तप्त आफन्त र परिवारजनमा गहिरो समवेदना व्यक्त गर्दछु,’ ओलीले ट्वीटमा लेखेका छन् ।
