सत्तारुढ नेकपा संसदीय दलले संस्थागत निर्णय गरेरै सांसदहरूको दशैं भत्ता फिर्ताको तयारी गरेको छ ।

राष्ट्रिय सभामा नेकपा संसदीय दलका प्रमुख सचेतक खिमलाल भट्टराईले संस्थागत रूपमै निर्णय गरेर भत्ता फिर्ताको तयारी भइरहेको लोकान्तरलाई जानकारी दिए ।

सांसदहरूले दशैं भत्ता बुझेकोबारे शुक्रवार लोकान्तर डट्कममा पहिलोपटक समाचार प्रकाशित भएपछि आइतवार केही सांसदले भत्ता फिर्ता गरिसकेका छन् । 

यो पनि :

EXCLUSIVE : जनता भोकभोकै सडकमा, कोरोनाकालमा सांसद र उनका पीएले बुझे दशैंभत्ता !

आजै भत्ता फिर्ताको निर्णय हुने भट्टराईले बताए ।

नेपाली कांग्रेसका सभाापति एवं संसदीय दलका नेता शेरबहादुर देउवाले दशैं भत्ता फिर्ता गर्न सांसदलाई निर्देशन दिइसकेका छन् । 

प्रतिपक्षी दल जनता समाजवादी पार्टीका सांसदहरूले पनि भत्ता फिर्ताबारे छलफल शुरू गरेका छन् ।

सम्पादकीय :

माननीयज्यूहरू, नैतिकता छ भने दशैं भत्ता फिर्ता गर्नुस्