२१ असार २०८३, आइतबार
अमेरिकाको राष्ट्रपति निर्वाचनको अन्तिम परिणाम आइनसक्दा एरिजोनाको मारिकोपा काउन्टीमा मतगणना केन्द्रबाहिर विरोधकर्ताहरू भेला भएका छन् ।
यस महत्त्वपूर्ण जिल्लामा मतगणना जारी छ र जो बाइडनले यसमा साँघुरो अग्रता कायम राखेका छन् ।
त्यहाँ उपस्थित प्रदर्शनकारीमध्ये केहीले हातहतियार बोकेको पाइएको छ । धेरैजसोले मेक अमेरिका ग्रेट अगेन लेखिएको टोपी लगाएका थिए र केहीले मतदानमा धाँधली भएको नारा सहितको पोस्टर बोकेका थिए ।
एसोसिएटेड प्रेस तथा अन्य समाचार संस्थाले एरिजोनामा बाइडन जितेको भनी हिजै घोषणा गरेका थिए तर ट्रम्पले पनि अग्रता बढाइरहेका छन् ।
उता मिशिगनमा ट्रम्प समर्थक प्रदर्शनकारीहरूले एक मतगणना केन्द्र बाहिर भेला भएर मतगणना रोक्न माग गरेका छन् । अनि फिनिक्समा चाहिँ ट्रम्पको सम्भावना राम्रो देखेकाले मतदाताहरूले अधिकारीहरूलाई भोट गनिरहन भनेका छन् ।
