०७ साउन २०८३, बिहीबार
इटलीमा कोराना संक्रमण निरन्तर बढिरहेको छ ।
अस्पतालहरू भरिभराउ भएर बिरामीहरूलाई भुइँमै स्ट्रेचरमा राखेर अक्सिजन दिइँदैछ ।
स्वास्थ्य मन्त्रालयले शनिवार मात्र ४२५ जनाको मृत्यु भएको जानकारी दिएको छ ।
लोम्बार्डी क्षेत्रमा कोरोनाको चर्को प्रकोप छ । त्यहाँ शनिवार मात्र ११ हजार ४८९ नयाँ केसहरू देखिएका छन् ।
अघिल्लो साताबाट पुनः लकडाउन लगाएको इटलीले अर्थतन्त्रमा परेको कठोर असर न्यून गर्नका लागि नयाँ सहायता प्याकेजलाई स्वीकृति दिएको छ ।
मन्त्रिपरिषद्ले २.९ अर्ब युरो बराबरको आर्थिक राहत रकम निकासा गर्ने मञ्जूरी दिएको छ ।
उच्च जोखिमयुक्त क्षेत्रमा परिणत हुन सक्ने क्षेत्रहरूका लागि रकम छुट्ट्याइएको प्रधानमन्त्री जोसेप्पे कोन्तेले बताए ।
‘यसबाट पछि हट्न सकिने स्थिति छैन । पूरै देशलाई बन्द गर्ने अर्को विकल्प छ तर त्यसले ठूलो क्षति पुर्याउँछ । यो सबैका लागि विपत्ति हुन्छ,’ कोन्तेले भने ।
