३० असार २०८३, मंगलबार
नेकपा स्थायी कमिटीको बैठक मंसिर १८ गते बस्ने भएको छ ।
प्रधानमन्त्री निवास बालुवाटारमा बुधवार बसेको सचिवालय बैठकले १८ गते स्थायी कमिटी बैठक र २५ गते केन्द्रीय कमिटी बोलाउने निर्णय भएको प्रवक्ता नारायणकाजी श्रेष्ठले जानकारी दिए ।
सचिवालय बैठक मंसिर १३ गते बस्नेछ ।
यसअघि मंसिर १५ देखि बोलाइएको केन्द्रीय कमिटी बैठक १० दिन पर सरेको हो ।
१३ गते बस्ने सचिवालय बैठकमा नेकपा अध्यक्ष एवं प्रधानमन्त्री केपी शर्मा ओलीले छुट्टै राजनीतिक प्रतिवेदन पेश गर्ने जानकारी आएको प्रवक्ता श्रेष्ठले बताए ।
अर्का अध्यक्ष पुष्पकमल दाहाल प्रचण्डले गत शुक्रवार नै राजनीतिक दस्तावेज पेश गरेका छन् ।
