२५ वर्षपछिको रिमेक : कस्तो छ कुल्ली न. १ ?

निर्माता : बाहु भगनानी, जैकी भगनानी, दीपशिखा देशमुख

निर्देशक : डेविड धवन


Advertisement

कलाकार : वरुण धवन, सारा अली खान, परेश रावल, जावेद जाफरी, राजपाल यादव, जोनी लीभर

रिलिज डेट : २५ डिसेम्बर २०२०


Advertisement

१९९५ मा रिलिज भएको हिन्दी चलचित्रको रिमेक हो कुल्ली न. १ । त्यसबेलाको चलचित्रमा डेविड धवनले गोविन्दा, करिश्मा कपूरको साथमा चलचित्र निर्माण गरेका थिए । त्यतिबेला उक्त चलचित्र सुपरहिट भएको थियो । २०२० मा निर्माण भएको चलचित्रको रिमेकलाई पनि डेविडलेनै निर्देशन गरेका हुन् । 

तर, यसपटकको चलचित्रमा भने उनले आफ्ना छोरा वरुण धवन तथा सारा अली खानलाई लीड रोलमा इन्ट्री गराएका छन् ।

एक धनाढ्य व्यापारी जेफ्री रोजारियो (परशेव रावल)ले पण्डित जयकिशन (जावेद जाफरी) को अपमान गर्छन् । जयकिशन यसको बदला लिने सोच राख्छन् ।

उनले जेफ्रीको छोरी सारा (सारा अली खान) को बिहे राजु कुली (वरुण धवन)सँग बिहे गराएर जेफ्रीलाई सबक सिकाउँछन् । राजुले आफूलाई करोडपतिका रूपमा प्रस्तुत गर्छन् । तर, चाँडै नै राजुको वास्तविकता खुल्छ ।

मनोरञ्जनात्मक यो चलचित्र हेर्दा दर्शकले दिक्क नमान्ने यो चलचित्र हेरेका समीक्षकहरूले बताएका छन् ।

झूट लुकाउन कतिसम्म झूट बोल्नुपर्छ भन्ने कुरा निकै रमाइलो ढगंबाट प्रस्तुत गरिएको यो चलचित्र हलमा प्रदर्शन भएको भए निकै राम्रो व्यापार गर्ने भारतीय मिडियाको दाबी छ ।

तर, यो चलचित्र अहिले डिजिटल प्लेटफर्मबाट प्रदर्शन हुँदैछ भने केही सिंगल थिएटरमा पनि रिलिज हुनेवाला छ । तर, चलचित्र हलमा खासै दर्शक नआउने भएका कारण निर्माण पक्षलाई हलबाट कुनै आशा छैन ।

डिजिटल प्लेटफर्म प्रयोग गर्न नसक्ने चलचित्रका शुभचिन्तकका लागि भने हलबाट चलचित्र देखाउन खोजिएको निर्माण पक्षको भनाइ छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्