२९ असार २०८३, सोमबार
अमेरिकी सेन्टर फर डिजीज केन्ट्रोल प्रिभेन्सन (सिडिसी)ले कोरोना संक्रमणका बेला क्वारेन्टीनमा लागि बस्ने अवधि घटाएको छ । आफ्नो मापदण्ड संशोधन गर्दै १४ दिनबाट घटाएर १० दिनमात्रै कायम गरेको छ ।
यद्यपि यो बिरामीको जाँच रिपोर्ट र लक्षणका आधारमा निर्भर हुनेछ । दुई दिनअघि मात्रै सिडीसीले आफ्नो वेबसाइटमार्फत जानकारी दिँदै क्वारेन्टीन अवधि घटाएको बताएको छ ।
‘यदि कोहीमा केही लक्षण छैन भने उसलाई बिना टेस्ट १० दिनसम्म क्वारेन्टीनमा बस्नुपर्ने आवश्यकता हुन्छ,’ सूचनामा भनिएको छ ।
यदि टेस्ट रिपोर्ट नेगेटिभ आएको खण्डमा भने सात दिन क्वारेन्टाइन बसे पुग्ने बताइएको छ ।
महामारीको शुरुवात भएपछि नै सिडिसीले संक्रमित बिरामीका लागि १४ दिनसम्म क्वारेन्टीन बस्ने सुझाव दिएको थियो ।
अवधि घटाएको विषयमा सिडिसीले भनेको छ, ‘क्वारेन्टाइन अवधि घटाउँदा धेरै मानिसलाई सहज हुनेछ । जसले यस अवधिमा काम गर्न पाएका छैनन्, उनीहरुलाई आर्थिक तनावको सामना गर्नुपर्दैन ।’
यसका साथै सार्वजनिक स्वास्थ प्रणालीमा दवाव पर्नसक्ने पनि बताइएको छ । खासगरी नयाँ संक्रमितको दर बढिरहेका बेला यस्तो निर्णयले सार्वजनिक स्वास्थ्य प्रणालीमा दवाव पर्नसक्ने भएकाले सबैलाई सचेत रहन भनिएको छ ।
