कालिकोटको शुभकालिका गाउँपालिकाको एक घरमा आगलागी हुँदा एक जनाको मृत्यु भएको छ ।

शुभकालिका गाउँपालिका–३ भर्तामा आइतबार राति आगलागी हुँदा १५ वर्षीया हिरु शाहीको मृत्यु भएको जिल्ला प्रहरी कार्यालय कालिकोटले जनाएको छ । 

स्थानीय पृथ्वीबहादुर शाहीको घरमा आइतबार राति आगो ताप्न बालेको परालबाट आगलागी भएको हो ।

उक्त आगलागीमा १२ वर्षीया सर्मिला शाही घाइते भएकी जिल्ला प्रहरी कार्यालय कालिकोटले जनाएको छ । घाइते सर्मिलालाई उपचारका लागि सुर्खेत पठाइएको छ ।