२१ असार २०८३, आइतबार
भारतमा पछिल्लो २४ घण्टामा २२ हजार ८ सय ९० जना कोरोना भाइरसका नयाँ संक्रमित थपिएका छन् । योसँगै हालसम्म भारतमा ९९ लाख ८९ हजार चारसय ४७ जना पुगेका छन् ।
यस्तै २४ घण्टाको अवधिमा कोरोना संक्रमणबाट भारतमा ३३८ जनाको मृत्यु भएको छ । यो सँगै हालसम्म कोरोना संक्रमणबाट भारतमा १ लाख ४४ हजार ७८९ जनाको मृत्यु भइसकेको छ ।
भारतको केन्द्रीय स्वास्थ्य तथा परिवार कल्याण मन्त्रालयले शुक्रबार पछिल्लो २४ घण्टाको विवरण सार्वजनिक गर्दै अहिलेसम्म ९६ लाख २० हजार ८२७ जना कोरोनाबाट मुक्त भएको जनाएको छ ।
जसमा पछिल्लो २४ घण्टामा ३१ हजार ८७ जना निको भएका छन् । हाल भारतमा सक्रिय संक्रमितको संख्या ३ लाख १३ हजार ८३१ जना रहेका छन् ।
निको हुनेको दर ९५ प्रतिशत रहेको छ भने, मृत्युदर १ दशमलव ४५ प्रतिशत रहेको मन्त्रालयले जनाएको छ ।
