०८ असार २०८३, सोमबार
एक ३१ वर्षीय बैंक कर्मचारी आफ्नी महिला साथीको घर गएका थिए, पतिकै अगाडि विवाह अघिको दिनबारे कमेन्ट गरिदिए । यसबाट रिसाएका महिलाका पतिले चक्कुले बैंकरको गर्धन काटे र पूरा शरीरलाई १२ टुक्रामा काट्दै शुटकेशमा भरेर नालीमा फालिदिए । यो हैरान पार्ने घटना महाराष्ट्रको राजधानी मुम्बईको हो ।
मुम्बईको बरेली प्रहरी चौकीका अनुसार यस थानामा बैंक कर्मचारी सशीलकुमार सारणिक बेपत्ता हुने उजुरी दर्ता भएको थियो । सुशीलकुमार १२ डिसेम्बरदेखि बेपत्ता थिए । १४ डिसेम्बरमा उनी बेपत्ता भएको उजुरी परेको थियो ।
सुशील ग्रान्ट रोडमा रहेको एक लिडिङ बैंकको ब्रान्चमा काम गर्दै आएका थिए । उनकी आमाले प्रहरीलाई आफ्नो छोरा एक साथीलाई भेट्न गएको र १३ डिसेम्बरदेखि बेपत्ता भएको बताएकी थिइन् ।
जब उनी १४ डिसेम्बरसम्म घर फर्किएनन् तब उनका साथीसँग सोधपुछ गरियो । साथीहरुसँग सोध्दा पनि कुनै खबर नभएपछि १४ डिसेम्बरमा प्रहरी चौकीमा बेपत्ता भएको रिपोर्ट लेखाइयो ।
बिहीबार प्रहरी चौकी नरेलबाट फोन आयो कि सुशीलको हत्या भएको छ भनेर । उसको शरीर टुक्रा टुक्रा पारिएको अवस्थामा लिलेको भनेर । नेरल प्रहरीलाई उक्त शुटकेश रेलवे स्टेशन नजिकको नालामा तैरिँदै गरेको मिलेको थियो ।
जब शुटकेश खोलियो तब त्यहाँ एक काटकुट पारिएको मृत शरीर मिलेको थियो । जहाँबाट दायाँ हात गायब थियो । प्रहरीले शुटकेशमा लागेको पर्चाको आधारमा जुन पसलबाट खरिद गरिएको थियो त्यो पत्ता लगायो । पसलवालाले खरिद गर्नेको नाम चार्स नाडर भएको बताए । प्रहरीले चाल्र्स नाडर र उसकी पत्नी सलोमीसँग सोधपुछ गर्दा बदला लिनका लागि हत्या गरिएको खुल्यो ।
नाडरले सुशीलले सलोमीको साथी भएको बताए । एक समय उनी दुवैजना एक बिओपीमा सँगै काम गर्थे । जब तीनै जना घरमा पार्टी गरिरहेका थिए । त्यसबेला सशीलले सलोमीको क्यारेक्टरमा केमेन्ट गरे । यसबाट झोँक्किएका नाडरले चक्कुले सुशीलको गर्धन नै छिनालिदिए । जसमा सलोमीले पनि सहयोग गरिन् ।
यसपछि उनीहरुले शरीर ठेगान लगाउन शुटकेश खरिद गरे र शरीरलाई काटकुट पारे शुटकेशमा भरे । त्यसपछि शुटकेशलाई नालामा फालिदिए । उक्त नाला केही दूरीमा रहेको नदीसँग मिसिन्छ ।
