२९ जेठ २०८३, शुक्रबार
नेकपा अध्यक्ष तथा प्रधानमन्त्री केपी शर्मा ओलीले पार्टी केन्द्रीय कमिटीमा मनोनित गरेका ५५६ जना केन्द्रीय सदस्यलाई शपथ गराएका छन् ।
मंगलवार बालुवाटारमा आफू पक्षीय केन्द्रीय कमिटी बैठक राखेर ओलीले थप सदस्य मनोनित गर्ने निर्णय गरेका हुन् ।
बालुवाटार बैठकले ५५६ सदस्य मनोनित गरेको र १९६ सदस्य रिक्त रहेका प्रधानमन्त्रीका प्रेस सल्लाहकार सूर्य थापाले जानकारी दिए ।
थपिएकासँगै नेकपा केन्द्रीय कमिटी १ हजार १९९ सदस्यीय बनाइएको छ । यसअघि ४४७ सदस्यीय कमिटी थियो ।
सामाजिक सञ्जालमार्फत जानकारी दिँदै थापाले लेखेका छन्, ‘अध्यक्ष कमरेड केपी शर्मा ओलीले पार्टीको प्रथम अध्यक्षका हैसियतले मौजुदा केन्द्रीय कमिटीमा ५५६ जना थप गर्ने गरी हिजो मनोनयन गर्नुभएको थियो । उक्त नामावली अनुमोदन गर्न बैठकमा प्रस्ताव गर्नुभएको छ र बैठकले गडगडाहट तालीका साथ उहाँको प्रस्ताव अनुमोदन गरेको छ ।’
