०७ साउन २०८३, बिहीबार
नेपाल कम्युनिस्ट पार्टी (नेकपा) प्रचण्ड–नेपाल समूहकी स्थायी कमिटी सदस्य एवं बाग्मती प्रदेश सांसद अष्टलक्ष्मी शाक्यले प्रतिगमनविरुद्धको कदम स्वरूप बाग्मती प्रदेशका मुख्यमन्त्रीविरुद्ध अविश्वासको प्रस्ताव दर्ता भएको बताएकी छिन् ।
उनले यो कदम अन्य प्रदेशमा पनि चालिने बताइन् ।
मुख्यमन्त्री डोरमणि पौडेलविरुद्ध अविश्वासको प्रस्ताव दर्ता भएपछि प्रचण्ड–नेपाल पक्षले शाक्यलाई मुख्यमन्त्रीको रूपमा प्रस्ताव गरेको छ । प्रचण्ड–नेपाल पक्षले शुक्रवार पौने १२ बजे पौडेलविरुद्ध अविश्वासको प्रस्ताव दर्ता गरेको थियो ।
‘प्रतिनिधि सभा विघटन गर्ने प्रतिगामी कदमका विरुद्धमा यो निर्णय गरिएको हो, ढिलो भयो, राम्रो भयो,’ शाक्यले भनिन् ।
मुख्यमन्त्री पौडेलविरुद्ध अविश्वासको प्रस्ताव पेश गरेसँगै प्रचण्ड–नेपाल समूहबाट सरकारमा सामेल तीनजना मन्त्रीले राजीनामा गरेका थिए ।
शालिकराम जमकट्टेल, अरुण नेपाल र युवराज दुलालले मन्त्रीबाट राजीनामा गरेका छन् ।
नेतृ शाक्यले अन्य प्रदेशमा पनि मुख्यमन्त्रीविरुद्ध अविश्वासको प्रस्ताव दर्ता गर्ने तयारी रहेको बताइन् ।
