अमेरिकाका राष्ट्रपति डोनल्ड ट्रम्पले सन् २०२० मा भएको निर्वाचनको परिणाम स्वीकार गर्न नमान्दा उनकै रिपब्लिकन पार्टीका सदस्यहरूले आलोचना गरेका छन् । 

संसद् भवनमा ट्रम्प समर्थकहरूले हिंसा मच्चाएपछि रिपब्लिकन पार्टीका नेताहरू ट्रम्पसँग थप चिढिएका थिए । 
 

रिपब्लिकनहरूबाट आफूले पर्याप्त सहयोग नपाएको भन्दै ट्रम्पले नयाँ राजनीतिक दल खोल्न विचार गरिरहेको वाल स्ट्रीट जर्नलले मंगलवार खबर दिएको छ ।

स्रोतहरूका अनुसार, ट्रम्पले यो सोच आफ्ना सहयोगीहरू र अन्य निकटवर्तीहरूलाई सुनाएका छन् । उनले नयाँ दलको नाम पेट्रियट पार्टी राख्न खोजेका छन् । 

राष्ट्रपतिका रूपमा अन्तिम सम्बोधन गर्दै उनले आफूहरूको आन्दोलन शुरू मात्र भएको बताएका थिए ।