रमेश बुढाथोकीको निर्देशनमा निर्माण हुने भनिएको चलचित्र ‘सुदुर’बाट अभिनेत्री वर्षा सिवाकोटीले हात झिकेकी छिन् ।

लोकान्तरसँग पछिल्लो संवादमा उनले साइन गरेको मितिमा चलचित्र छायांकन नभएको र पटक पटक छायांकन मिति सारिएपछि उक्त चलचित्रबाट हात झिक्न बाध्य भएको बताएकी छिन् । सिवाकोटीले डेढ बर्षअघि ‘सुदुर’का लागि साइन गरेकी थिइन् ।

निर्देशक रमेश वुढाथोकीका अनुसार यो चलचित्र आगामी चैत्रबाट छायांकन प्रारम्भ हुने छ ।

तर, उक्त मितिमा पनि चलचित्र छायांकन हुनेमा शंका उत्पन्न भएपछि सिवाकोटीले काम नगर्ने मुड बनाएको जनाइएको छ ।

निर्माण पक्षले यो चलचित्रको सम्पुर्ण छायांकन जुम्लामा गर्ने तयारी गरेको छ । आफु नयाँ व्यवसायमा पनि आवद्ध भएको र अरु केहि प्रोजेक्टको बारेमा पनि गफ भइरहेकाले उक्त चलचित्र छाड्न बाध्य भएको वर्षाले जनाइन् ।
वर्षा अभिनित चलचित्र ‘परदेशी २, मनसँग मन र लक्का जवान प्रदर्शनको तयारीमा छन् ।