शनिवार राष्ट्रपति कार्यालय शितलनिवासलगायतका भीभीआईपी क्षेत्रहरूमा विद्युत कटौती हुने भएको छ । 

नेपाल विद्युत प्राधिकरणले शनिवार भीभीआईपी क्षेत्रसहित मुलुकका विभिन्न ठाउँमा केही समयका लागि विद्युत कटौती हुने जनाएको छ । 

मर्मतसम्भारका लागि भन्दै प्राधिकरणले विद्युत कटौतीको सूचना जारी गरेको हो । 

प्राधिकरणका अनुसार महाराजगञ्ज वितरण सेन्टर अन्तर्गत शिक्षण अस्पताल, राष्ट्रपति कार्यालय, प्रहरी तालिम केन्द्र, निर्मल निवास मा दिउँसो साढे १ बजेदेखि साढे २ बजेसम्म विद्युत कटौती हुनेछ । 

यस्तै लगनखेल वितरण केन्द्र अन्तर्गत चापागाउँ दोबाटो, साङ्पाङ चोक, सुनाकोठी, ढोलाहिटी, टाखेल, लेले, टिकाभैरव लगायतका क्षेत्रमा दिउँसो १२ बजेदेखि ३ बजेसम्म बत्ती जानेछ । 

यस्तै लगनखेल वितरण केन्द्र अन्तर्गत नै महालक्ष्मीथान, थसीखेल, एकान्तकुना, नख्खिपोट लगायतका क्षेत्रमा मध्यान्ह १२ बजेदेखि १ बजेसम्म बत्ती कटौती भएको छ । 

यस्तै ललितपुरको मंगलबजार क्षेत्रमा पनि ३ बजेदेखि साढे ३ बजेसम्म बत्ती जाने छ । 

प्राधिकरणले गण्डकी प्रदेशका पनि विभिन्न क्षेत्रमा विद्युत कटौती गरेको छ ।