२३ जेठ २०८३, शनिबार
नेपाल कम्युनिस्ट पार्टी (नेकपा)का महासचिव नेत्र विक्रम चन्द विप्लवले प्रधानमन्त्री केपी शर्मा ओलीलाई भेटेका छन् ।
प्रधानमन्त्री निवास बालुवाटारमा पुगी विप्लवले प्रधानमन्त्री ओलीलाई भेटेका हुन् ।
उनीसँगै विप्लव समूहको तर्फबाट वार्ता टोलीका संयोजक खड्गबहादुर विश्वकर्मा, सदस्य उदयबहादुर चलाउने लगायतका नेताहरूले प्रधानमन्त्री ओलीसँग भेटेका हुन् ।
सरकारसँगको वार्ता सफल भएपछि विप्लव दुई वर्षपछि सार्वजनिक कार्यक्रममा देखिन लागेका छन् । त्यसका लागि राष्ट्रिय सभागृहमा विशेष कार्यक्रम राखिएको छ ।
कार्यक्रमलाई प्रधानमन्त्री ओलीसँगै विप्लवले पनि सम्बोधन गर्नेछन् ।
गृहमन्त्री रामबहादुर थापा नेतृत्वको सरकारी वार्ता टोलीसँग विप्लव समूहले हिजो ३ बुँदे सहमति गरेको थियो ।
त्यही सहमतिमा हस्ताक्षर र नेताहरूले सम्बोधन गर्ने गरी सभागृहमा विशेष कार्यक्रम आयोजना गरिएको हो ।
