भारतको संसद्को बजेट सत्रको दोस्रो भाग सोमवारबाट शुरू भएको छ । 

माथिल्लो सदन राज्यसभाको बैठकमा सहभागी हुन डा नरेन्द्र जाधव पनि पुगे । उनले अनौठो किसिमको मास्क लगाएका थिए । त्यसले उनको नाक, मुख र आँखा सबै छोपेको थियो । 

यो हाई एफिसिएन्सी पार्टिकुलेट एयर (हेपा) फिल्टर मास्क हो । 

टाढाबाट हेर्दा यो समुद्रमुति स्कुबा डाइभिङ गर्दाखेरी उपयोग गरिने मास्क जस्तो देखिन्छ । 

डा जाधवले यसका बारेमा बताए, ‘यस मास्कको प्रभावकारिता ९९.७ प्रतिशत छ अर्थात् निकै सूक्ष्म धूलोकण मात्र शरीरभित्र पुग्न पाउँछ ।’

डा जाधवलाई सन् २०१६ मा राष्ट्रपतिले राज्यसभाका लागि मनोनित गरेका थिए ।