नेकपा एमालेका नेता माधवकुमार नेपालले आफूनिकट केन्द्रीय सदस्यहरूको अनौपचारिक भेला बोलाएका छन् ।

बुधवार अपराह्न ४ बजे बानेश्वरको एक होटलमा नेता नेपालनिकट केन्द्रीय सदस्यहरूलाई बोलाइएको हो । 

केन्द्रीय सदस्य ठाकुर गैरेले आफूलाई उपस्थितिका लागि सूचना आएको लोकान्तरलाई बताए । 

'यसो सानोतिनो छलफल होला,' उनले भने, 'मलाई पनि सूचना आएको छ । कुन विषय र सन्दर्भ हो, थाहा छैन ।'

एमालेमै रहेर प्रधानमन्त्री केपी शर्मा ओलीविरुद्ध संघर्ष गर्ने निष्कर्षसहित नेता नेपाल लगायतका नेताहरू एमालेमै फर्किएका थिए । 

अनौपचारिक भेलामा नेता नेपालले अबको रणनीति बनाउन सल्लाह लिने तयारी गरिरहेका छन् ।