०३ असार २०८३, बुधबार
कोशी टप्पु वन्यजन्तु आरक्ष कार्यालय पश्चिम कुशाहा सुनसरीले जंगली जनावरबाट पीडित भएकालाई ३९ लाख रुपैयाँभन्दा बढी क्षतिपूर्तिबापत रकम दिएको छ ।
आरक्ष कार्यालयले चालू आर्थिक वर्षको हालसम्ममा आरक्षबाट निस्केका जंगली जनावरबाट पीडित भएकालाई ३९ लाख ९ हजार ७११ क्षतिपूर्तिबापत रकम प्रदान गरेको आरक्षका संरक्षण अधिकृत अशोक रामले जानकारी दिए ।
आरक्षको कार्यालयले जंगली जनावरको आक्रमणबाट मृत्यु भएका २ जनाको परिवारलाई १०/१० लाख रुपैयाँ गरेर जम्मा २० लाख, घाइते भएका ७ परिवारलाई ३ लाख ५३ हजार ७११, बालीनाली नष्ट भएका २११ परिवारलाई ९ लाख ९३ हजार ५००, घरगोठ क्षति गरेका ७९ परिवारलाई ४ लाख १८ हजार ५०० र भण्डारण गरेको अन्नपात क्षति भएबापत १ लाख ४४ हजार दिइएको संरक्षण अधिकृत रामले बताए ।
