२१ जेठ २०८३, बिहीबार
नेकपा एमाले संसदीय दलको बैठक प्रधानमन्त्री निवास बालुवाटारमा शुरू भएको छ ।
प्रधानमन्त्री एवं एमाले संसदीय दलका नेता केपी शर्मा ओलीको आह्वानमा शनिवार बालुवाटारमा एमाले संसदीय दलको बैठक शुरू भएको एमाले सचेतक शान्ता चौधरीले जानकारी दिइन् ।
बरिष्ठ नेता झलनाथ खनाल र माधवकुमार नेपाल पक्षका सांसद भने बैठकका उपस्थित छैनन् । बैठकमा वामदेव गौतम उपस्थित भएको एमाले सचेतक चौधरीले लोकान्तरलाई जानकारी दिइन् ।
बैठकमा संसदीय दलको विधान संशोधनका लागि विशाल भट्टराईको संयोजकत्वमा गठित कार्यदलको प्रतिवेदनमाथि छलफल हुने र पारित गर्ने तयारी छ । बिहीवारको बैठकले भट्टराईको संयोजकत्वमा शेरबहादुर तामाङ र विमला पौड्याल सदस्य रहेको कार्यदल गठन गरेको थियो ।
बिहीवारको बैठकले ओलीको संयोजकत्वमा नेपाल र खनालसहित २४ जना सदस्य रहेको संसदीय बोर्ड गठन गरेको थियो । नेपाल पक्षले बैठक बालुवाटारमा नभइ सिंहदरवार स्थित संसदीय दलको कार्यालय या संसद भवन बानेश्वरको कुनै हलमा राख्नुपर्ने शर्त राखेको थियो ।
बैठकका अनिवार्य उपस्थितीको लागि ह्वीप लगाइएको छ ।
