डोटी जिल्लामा हालसम्म १० हजार ५४४ जनाले कोरोना भाइरस विरुद्वको खोप लगाएका छन् ।

जिल्लाका ९ वटै स्थानीय तहमा रहेका स्वास्थ्य संस्थामा जिल्ला अस्पतालबाट कोरोना विरुद्धको खोप लगाइएको थियोे ।

स्वास्थ्य कार्यालयले खोप लगाउने अभियान गत फागुन २३ देखि चैत १ गतेसम्म सञ्चालन गरेको थियोे । 

खोप ६५ वर्षभन्दा माथि उमेर समूहका नागरिकलाई लगाइएको थियो । जिल्ला अस्पतालका स्वास्थ्यकर्मी निरु मगरका अनुसार दिपायलसिलगढी नगरपालिकामा २ हजार ३, शिखर नगरपालिकामा १ हजार ७१७, पूर्वीचौकी गाउँपालिकामा १ हजार १००, आदर्श गाउँपालिकामा १ हजार २६२, सायल गाउँपालिकामा ८९९, केआईसिंह गाउँपालिकामा ९३६, बोगटान फुडसिल गाउँपालिकामा ९०१, बडिकेदार गाउँपालिकामा ७३३ तथा जोरायल गाउँपालिकामा ९९३ जनाले खोप लगाएका हुन् ।

खोपबाट कसैलाई पनि ठूलो किसिमको लक्षण देखा नपरेको बताइएको छ । ९ वटै स्थानीय तहमा कूल १२ हजार ६०० जना ६५ वर्षभन्दा माथिको उमेर समूहका नागरिक रहेका र बाँकी रहेका अन्य नागरिकलाई अर्काे पटकमा लगाइने जिल्ला स्वास्थ्य कार्यालयका परिवार नियोजन निरीक्षक सूर्य विष्टले जानकारी दिए ।

पहिलो चरणमा भने सरकारले मानिसहरूसँग प्रत्यक्ष सम्पर्कमा आउने स्वास्थ्यकर्मी, वित्तीय संस्थाका प्रमुख, सुरक्षाकर्मी, पत्रकार, कर्मचारी लगायतलाई देशव्यापी रूपमा कोरोना विरुद्धको खोप लगाएको थियो ।