पछिल्लो २४ घण्टामा देशभर थप ७९ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले शनिवार सार्वजनिक गरेको अद्यावधिक विवरण अनुसार कूल संक्रमितको संख्या २ लाख ७५ हजार ८२९ पुगेको छ ।

कूल संक्रमितमध्ये २ लाख ७१ हजार ८१५ संक्रमित निको भइसकेका छन् । पछिल्लो २४ घण्टामा ८२ संक्रमित निको भएका छन् ।

देशभर सक्रिय संक्रमितको संख्या ९९८ रहेको मन्त्रालयले जनाएको छ ।

शनिवार कोरोनाले थप मृत्यु नभएको मन्त्रालयले जनाएको छ । हालसम्म कोरोनाले मृत्यु हुनेको संख्या ३ हजार १६ रहेको छ ।