१३ असार २०८३, शनिबार
इन्डोनेसियाको सेलायार टापुमा १५ दिनअघि फ्लोरेस नदीमा चिनियाँ अन्डरवाटर ड्रोन भेटिएपछि इन्डोनेसियामा हंगामा मच्चिएको छ ।
दक्षिण सुलावेसीमा रहेको सेलायार टापुमा चिनियाँ जलक्षेत्रभन्दा निकै पर यस्तो अन्डरवाटर जासूसी यन्त्र भेटिँदा चीनले सक्रिय रूपमा जासूसी गरिरहेको देखिएको छ ।
यो दक्षिण चीन सागरलाई हिन्द महासागरसँग जोड्ने एक मात्र डीपवाटर च्यानल हो ।
दक्षिण चीन सागरमा भएका विवादमा इन्डोनेसिया नपरेको भए पनि बेइजिङले विगतमा इन्डोनेसियाको एक्सक्लुसिभ इकोनोमिक जोन पर्ने क्षेत्रका सामुद्रिक भागमा अधिकार दाबी गरेको छ । यो जलक्षेत्र पश्चिमी अस्ट्रेलियाको उत्तरतर्फ जोडिने महत्त्वपूर्ण शिपिङ लेनको पनि नजिक छ ।
यसै क्षेत्र हुँदै पश्चिम एसियाबाछ तेलका ट्यांकरहरू चीन पुग्ने गर्छन् । यसैमार्फत सिंगापुरले प्रशोधित इन्धन अस्ट्रेलिया पठाउने गरेको छ ।
स्थानीयहरूबाट प्राप्त तस्वीरमा यो ड्रोन पंखा भएको ट्युब जस्तो देखिन्छ । यस्ता ड्रोनमा अनेकौं सेन्सर तथा लामो दूरीका ट्रान्समिटरहरू रहने गरेको इतिहास छ ।
यी ड्रोनहरू चीनकै हुन् भने जलसेनाको पनडुब्बीका लागि महत्त्वपूर्ण सूचना संकलन गरिरहेको हुन सक्ने देखिएको छ ।
