आज बाँडिदै सिंगटी हाइड्रोको आईपीओ, कतिले पाउलान् शेयर ?

सिंगटी हाइड्रो इनर्जीको आईपीओ बाँडफाँट शुक्रवार (चैत २७ गते) ११ बजे बाँडफाँट हुँदैछ ।

बिक्री प्रबन्धक मेगा क्यापिटलको आफ्नै कार्यालयमा आईपीओ बाँडफाँट गर्ने भएको हो ।


Advertisement

सिंगटीले चैत ६ गतेबाट १० गतेसम्म १०० रुपैयाँ दरमा कुल २९ लाख कित्ता आईपीओ निष्कासन गरेको थियो । यसमध्ये ५८ हजार कित्ता कर्मचारी र १ लाख ४५ हजार कित्ता म्युचुअल फन्डहरुलाई छुट्याएर बाँकी २६ लाख ४० हजार कित्ता शेयर सर्वसाधारणका लागि बिक्री खुला गरेको थियो ।

सिंगटीको आईपीओमा माग भन्दा बढी आवेदन परेकाले शेयर पाउन भने भाग्यमै भर पर्नुपर्नेछ । गोलाप्रथाबाट शेयर बाँडफाँट हुनेछ । यसमा कुल २ अर्ब ४६ करोड ६५ लाख ६४ हजार रुपैयाँ बराबरको आवेदन परेको छ । १६ लाख ३५ हजार ५३७ जनाले २ करोड ४६ लाख ६५ हजार ६४० कित्ताका लागि आवेदन दिएका हुन् ।

यो मागको तुलनामा ९.३४ गुणा बढी हो । यस आधारमा सर्वसाधारणलाई बिक्री गरिएको २६ लाख ९४ हजार कित्तालाई आधार मान्दा २ लाख ६४ हजार जना आवेदकले १० कित्ताका दरले शेयर हात पार्नेछन् । १३ लाख ७१ हजार ५३७ जना भन्दा धेरै आईपीओ पाउनबाट वञ्चित हुनेछन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्