२२ जेठ २०८३, शुक्रबार
बर्दियाको बढैयाताल गाउँपालिका–३ बस्ने जीतबहादुर गोदार क्षेत्रीलाई वन्चरोले प्रहार गरी मारेको मुद्दामा दोषी ठहर भएका व्यक्तिलाई १८ वर्षपछि पक्राउ गरिएको छ ।
बर्दिया जिल्ला अदालतको २०६८ जेठ १० गतेको फैसलाले २० वर्ष कैद सजाय तोकिएका कृपाराम खटिकलाई प्रहरीले पक्राउ गरेको हो ।
मुद्दामा दोषी पाइएका अन्य ९ अभियुक्त भने जिल्ला कारागार बर्दियामा कैद सजाय बिताइरहेका छन् । पक्राउ परेका खटिकलाई जिल्ला अदालतमा बुझाएपश्चात् कारागार चलान गरिएको प्रहरीले जनाएको छ ।
