सर्वोच्चको न्यायाधीशमा सिफारिश सुवेदी र चुडालको नाम संसदीय सुनुवाइ समितिबाट अनुमोदन

बैशाख ३, २०७८

संसदीय सुनुवाइ विशेष समितिले सर्वोच्च अदालतको न्यायाधीशमा प्रस्तावित न्यायाधीशहरू नहकुल सुवेदी र डा. कुमार चुडालको नाम अनुमोदन गरेको छ ।

संसद् सचिवालय सिंहदरबारमा शुक्रवार बसेको संसदीय सुनुवाइ विशेष समिति बैठकले दुवै जनाको नाम सर्वसम्मतिले अनुमोदन गरेको हो ।

प्रस्तावित न्यायाधीशहरूमाथिको सुनुवाइपछि समितिले दुवै नाम सर्वसम्मतिले अनुमोदन गरेको समितिका सभापति लक्ष्मणलाल कर्णले जानकारी दिए ।

त्यसअघि प्रस्तावित न्यायाधीशहरूसँग शुक्रवार नै सुनुवाइ भएको थियो ।

संसदीय सुनुवाइ समितिको अनुमोदनपछि सुवेदी र चुडाललाई न्यायाधीश नियुक्तिको बाटो खुलेको छ ।