इन्डियन प्रिमियर लीग (आईपीएल) मा दिल्ली क्यापिटल्सका ओपनर पृथ्वी शाले कोलकाता नाइट राइडर्सविरुद्ध बिहीवार विस्फोटक ब्याटिङ गरेका छन् । 

उनले ११ चौका र तीन छक्का प्रहार गर्दै ४१ बलमा ८२ रन बनाए । 

उनले कोलकाताका फास्ट बलर शिवम मावीको ओभरमा लगातार ६ वटा चौका प्रहार गरे । 

आईपीएलको इतिहासमा दोस्रोपटक यसरी एकै ओभरमा ६ वटा चौका हानिएको हो । यसअघि सन् २०१२ मा अजिंक्य रहाणेले राजस्थान रोयल्सका लागि आरसीबीका बलर एस अरविन्दको ओभरमा ६ वटा चौका हानेका थिए । 

पृथ्वी शाले १८ बलमै अर्धशतक पूरा गरे । उनको यस विस्फोट पारीको सहायतामा दिल्लीले कोलकातालाई सात विकेटले हरायो । 

खेल सकिएपछि पृथ्वी शा र शिवम मावीले कुराकानी गरे अनि मावीले जिस्कँदै शाको घाँटी थिचे । मेरो ओभरमा त्यत्तिका धेरै रन बनाइस् भन्दै उनी जिस्केका हुन् । 
 

Foes on the field, friends off it - this is why we love the #VIVOIPL! 😍#Shaw #Mavi #SpiritOfCricket #DCvKKR #IPL2021pic.twitter.com/pXCklXxRTx

— Star Sports (@StarSportsIndia) April 29, 2021