नेकपा एमाले लुम्बिनी प्रदेशको संसदीय दलको बैठकले दलका नेता शंकर पोखरेललाई नै अब बन्ने नयाँ सरकारको मुख्यमन्त्री बनाउने निर्णय गरेको छ । 

संविधानको धारा १६८ (१) अनुसार प्रदेश प्रमुख समक्ष एकल बहुमतको सरकार बनाउन दाबी प्रस्तुत गर्ने निर्णय बैठकले गरेको छ । 

एमाले नेता बैजनाथ चौधरीले प्रदेश सभामा एमालेको एकल बहुमत रहेकाले प्रदेश प्रमुख धर्मनाथ यादवलाई एकल सरकार दाबी गर्दै पत्र पठाएको जानकारी दिए ।

‘बैठकले पुनः सरकारको नेतृत्व मुख्यमन्त्री पोखरेलले नै गर्ने निर्णय गर्‍यो,’ चौधरीले भने, ‘एकल बहुमत भएपछि दाबी स्वाभाविक भयो । अब प्रदेशको विषेश अधिवेशनको औचित्य सकियो । मुख्यमन्त्रीको आजै सपथ हुन्छ ।’
संसदीय दलको बैठकमा एमाले माधव नेपालनिकट मानिएका दुुई जना सांसद पनि सहभागी थिए । 

एमाले प्रमुख सचेतक भूमिश्वर ढकालले एक जान कोभिड संक्रमित भोजप्रसाद श्रेष्ठबाहेक अन्य सबै सांसदहरू बैठकमा सहभागी भएको जानकारी दिए ।