२९ जेठ २०८३, शुक्रबार
श्रीलंका भ्रमणमा रहेको बंगलादेशले दोस्रो टेस्टमा २०९ रनको पराजय बेहोरेको छ ।
पल्लेकेलेमा सम्पन्न उक्त टेस्टमा निकै अनौठो घटना भएको छ ।
बंगलादेशको पहिलो इनिङमा ब्याट्स्म्यान तैजुल इस्लाम आश्चर्यजनक तरिकाले हिटविकेट आउट भए ।
श्रीलंकाली बलर सुरंगा लकमलको शर्ट बलमा ब्याकफूटमा गएर डिफेन्स गर्ने कोशिश गर्दा इस्लामको जुत्ता फुस्केर स्टम्पमा लाग्यो र बेल झर्यो । त्यसपछि उनलाई हिट विकेट आउट दिइयो ।
यसरी कुनै ब्याट्स्म्यान आउट भएको सम्भवतः यो पहिलो घटना हो । इस्लामले आफू कसरी आउट भएँ भने एकछिनसम्म चालै पाएनन् ।
सामाजिक सञ्जालमा इस्लाम आउट भएको भिडियो क्लिप भाइरल बनिरहेको छ ।
