लुम्बिनी प्रदेशसभाका विपक्षी गठबन्धनले मुख्यमन्त्री शंकर पोखरेलविरुद्ध अविश्वास प्रस्तावमाथि छलफल गर्न विशेष अधिवेशन माग गरेका छन् । 

नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा) का सांसदले आइतबार प्रदेश प्रमुख धर्मनाथ प्रसाद यादवलाई भेटेर यस अधिवेशन माग गरेका हुन् ।

यस अगाडि वैशाख ६ गते र आइतबार नै दर्ता भइ छलफल नभएको अविश्वास प्रस्तावमाथि छलफल गर्न माग गरेका हुन् । 

विपक्षी गठबन्धनका ४० सांसदको हस्ताक्षर सहित माओवादी केन्द्रका संसदीय दलका नेता कुलप्रसाद केसीलाई मुख्यमन्त्रीको प्रस्ताव गरेका छन् ।

मुख्यमन्त्री पोखरेलको पक्षमा प्रदेशसभामा बहुमत नरहेको उनीहरुको भनाइ छ ।

 गठबन्धनले मुख्यमन्त्री पोखरेलविरुद्ध आइतबार बिहान ११ बजे अविश्वास प्रस्ताव दर्ता गरेका छन् ।