१६ असार २०८३, मंगलबार
कोरोना संक्रमितको संख्या दिनप्रतिदिन बढ्दै गएकाले स्वास्थ्य सामग्री अभाव भएको भन्दै दाङका सांसदहरूले स्वास्थ्यमन्त्री हृदयेश त्रिपाठीको ध्यानाकर्षण गराएका छन् ।
एमाले संसदीय दलकी सचेतक शान्ता चौधरीको नेतृत्वमा गंगा चौधरी सत्गौवा र कोमल वलीले सरकारको ध्यानाकर्षण गराएका हुन् ।
‘अक्सिजनको अभाव भयो, हाम्रो ज्यान बचाउनुपर्यो भन्दै सर्वसाधारणले रुँदै फोन गरेपनि हामी मन्त्रीकोमा गएर आक्सिजन र मेडिकलको प्रबन्ध गर्न ध्यानाकर्षण गराएका छौं,’ शान्ताले लोकान्तरसँग भनिन् ।
मन्त्री त्रिपाठीले सीसीएमसीलाई पनि आग्रह गर्न सुझाव दिएको उनले बताइन् ।
‘मैले सीसीएमसीका संयोजक ईश्वर पोखरेललाई पनि भनेकी छु, स्वास्थ्य मन्त्रालयले तदारुकता देखाउनुपर्यो भन्यौं,’ उनले भनिन् ।
देशका अन्य भागमा जस्तै दाङमा पनि अक्सिजनको हाहाकार भएको भन्दै अस्पतालहरूले सरकारसँग सहयोग मागेका छन् ।
