इजरायल : अरब पुरुषलाई कारबाट निकालेर कुटपिट (भिडियो)

इजरायलमा उग्रदक्षिणपन्थीहरूले भीडले तेलअभिभ नजिक एक अरब पुरुषमाथि बुधवार आक्रमण गरेका छन् ।

इजरायल र प्यालेस्टाइनबीच द्वन्द्व चलिरहेको बेलामा ती पुरुषलाई बेहोश नहुन्जेल कुटपिट गरेको भिडियो सार्वजनिक भएको हो । 
 


Advertisement

तेलअभिभको दक्षिणमा रहेको बात याम भन्ने स्थानमा आक्रमण गरिएको हो । 

प्रहरी तथा आकस्मिक सेवाका मानिसहरू घटनास्थलमा १५ मिनेटपछि मात्र आइपुगेका थिए । त्यतिन्जेल पीडित अचेत भएर सडकको बीचमा लडेका थिए । 

उक्त अरब पुरुषले यहुदी राष्ट्रवादीहरूमाथि गाडी चलाउन खोजेको भन्दै भीडले कुटपिटलाई जायज ठहर्‍याउन खोजेको थियो । 

‘पीडित गम्भीर घाइते छन् तर उनको स्वास्थ्यस्थिति स्थिर छ,’ इचिलोभ अस्पतालले बयान जारी गरेर बतायो । 

अरब र यहुदीहरू सडकमा भिडिरहेको अनि दंगा गर्नेहरूले गाडीहरूमा आगजनी गरिरहेको बेलामा यो घटना पनि भएको हो । 
 

लोद शहरमा यहुदी र अरब बराबरी संख्यामा बस्छन् र त्यहाँ मंगलवार निकै हिंसा भएको थियो । 

प्रहरीले दंगामा सहभागी लगभग ४०० जनालाई देशभरिबाट बुधवार समातिएको जानकारी दिएको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्