३० जेठ २०८३, शनिबार
नेपाली कांग्रेसले पार्टीको महाधिवेशन अन्तर्गत वडा अधिवेशन आगामी साउन १२ गते गर्ने निर्णय गरेको छ ।
शुक्रवार बसेको केन्द्रीय कार्यसमिति बैठकले महाधिवेशनको कार्यतालिका सम्बन्धी प्रस्ताव पारित गरेको सहमहामन्त्री डा. प्रकाशशरण महतले जानकारी दिए ।
पारित प्रस्तावअनुसार साउन १२ गते वडा अधिवेशन, साउन १६ गते गाउँ, नगरपालिका अधिवेशन, साउन २० गते प्रदेशसभा क्षेत्रीय अधिवेशन गर्ने निर्णय भएको छ ।
साउन २३ गते प्रतिनिधिसभा क्षेत्रीय अधिवेशन र एक मात्रै क्षेत्र भएको जिल्ला अधिवेशन, साउन २६ गते एक भन्दा बढी प्रतिनिधिसभा क्षेत्र भएको जिल्ला अधिवेशन र भदौ १ र २ गते प्रदेश अधिवेशन गरिने महतले बताए ।
कांग्रेसले आगामी भदौ १६ गतेदेखि १९ गतेसम्म पार्टी महाधिवेशन गर्ने निर्णय गरेको छ ।
