०३ असार २०८३, बुधबार
पछिल्लो २४ घण्टामा देशभर कोरोना भाइरस संक्रमण निको हुनेभन्दा थपिने धेरै देखिएका छन् ।
स्वास्थ्य तथा जनसंख्या मन्त्रालयले सोमवार सार्वजनिक गरेको विवरण अनुसार थप २ हजार ४४५ जनामा संक्रमण पुष्टि भएकोमा १ हजार २५८ संक्रमित मात्रै निको भएर घर फर्किएका छन् ।
हालसम्म ६ लाख ३३ हजार ३३२ जना कोरोना भाइरसबाट मुक्त भइ घर फर्किएका छन् ।
नेपालमा कोरोना भाइरसबाट संक्रमितको कूल संख्या ७ लाख १८ हजार ४९४ पुगेको छ । थप ७ हजार ८३३ जनाको पीसीआर परीक्षण तथा ३ हजार ८३१ जनाको एन्टिजेन विधिबाट कोरोना परीक्षण गरिएको थियो ।
पीसीआर विधिबाट १ हजार ६४२ तथा एन्टिजेनबाट ८०३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
काठमाडौं उपत्यकामा पछिल्लो समय ४७४ संक्रमित थपिएका छन् । काठमाडौंमा ३३०, ललितपुरमा ५६ तथा भक्तपुरमा ८८ जनामा संक्रमण पुष्टि भएको मन्त्रालयले जनाएको छ ।
पछिल्लो समय नेपालमा कोरोना भाइरसको संक्रमणबाट थप ३२ संक्रमितको मृत्यु भएको छ । यससँगै कोरोना भाइरसको संक्रमणबाट ज्यान गुमाउनेको संख्या ९ हजार ५८२ पुगेको मन्त्रालयले जनाएको छ ।
