०८ असार २०८३, सोमबार
भारतबाट अवैध रूपमा चाँदीका गरगहना ल्याएको आरोपमा पर्सामा एक जना पक्राउ परेका छन् ।
पर्सा प्रहरीले आज बिहान साढे ८ बजे वीरगञ्ज महानगरपालिका–१६ बाट सप्तरी राजविराज उपमहानगरपालिका–२, मेघराका ४३ वर्षीय अंगद साहलाई पक्राउ गरेको हो । साह चितवन खैरेनी नगरपालिका–२, श्रीया ज्वेलर्सका सञ्चालक हुन् ।
उनले बोकेको कालो झोलाभित्र चाँदीका गरगहना पाँच किलो ३३४ ग्राम फेला परेको पर्सा प्रहरी प्रवक्ता ओमप्रकाश खनालले जानकारी दिए । उनका अनुसार कारवाहीको लागि राजश्व अनुसन्धान कार्यालय पथलैया, बारामा बुझाइने बताए ।
