०३ असार २०८३, बुधबार
पतिपत्नीबीच हुने वादविवाद र कुराकानीलाई अधिकांशले लुकाउने गर्छन् । झन् सरकारी पदाधिकारी र जागिरमा रहेकाहरूका घरभित्रका कुरा थाहै हुँदैनन् ।
तर भारतको तमिलनाडुका आईपीएस अधिकारी डा. सन्दीप मित्तलले ट्विटरमा पत्नीले ‘जलेबी’ खान नदिने गरेको गुनासो पोखे ।
उनले ट्विटरमा लेखे, ‘बच्चामै २५ पैसाको एउटा ठूलो जलेबी आउँथ्यो । सोच्थ्यौं – ठूलो भएपछि कमाउँला र दिनदिनै ३–४ जलेबी खाउँला । अब कमाउन थालें त पत्नीले जलेबी खान दिँदैनन् ।’
डा. मित्तलको ट्वीट नै कतिपयलाई रोचक लाग्यो । तर पत्नीप्रति लक्षित गुनासोमा उनकी पत्नीले दिएको जवाफ झनै रोचक छ ।
पतिको गुनासोमा पत्नी डा. रिचा मित्तलले जवाफ फर्काइन्, ‘आज तपाईं घर त आउनुस् ...।’ पत्नी रिचाले फर्काएको जवाफको सामाजिक सञ्जालमा अनेक अर्थ लगाइँदैछ ।
आज आप घर आओ.... https://t.co/bBkz1CjoZi
— Office of Dr. Richa Mittal🇮🇳 (@drairicha) July 18, 2021
