४० भन्दा बढी यात्रु बोकेको विमानको आकस्मिक अवतरण

चालीसभन्दा बढी यात्रु बोकेको एक विमान बुधवार सोमालियाको दक्षिणी भागमा रहेको गेदो क्षेत्रको सैन्य अड्डामा आकस्मिक अवतरण गरेको स्थानीय अधिकारीहरूले पुष्टि गरेका छन् । 

नैरोबीबाट आएको स्काईवार्ड विमान बुराहाचे सैन्य शिविरमा आकस्मिक अवतरण गरेको थियो । त्यो ठाउँ सोमालिया र केन्याको सीमाबाट लगभग १५ किलोमिटर टाढा छ । 


Advertisement

‘घटनामा कोही पनि घाइते भएको छैन,’ पहिचान खुलाउन नचाहने एक स्थानीय अधिकारीले बताए । 

विमान नैरोबीको विल्सन विमानस्थलबाट केन्याकै मान्देरातर्फ जाँदै थियो । 

यान्त्रिक गडबडीका कारण यो घटना भएको स्रोतहरूले बताएका छन् । तर यसमा थप अनुसन्धानका लागि उड्डयनविज्ञहरूलाई पठाइएको छ । 

विमान ल्यान्डिङ गियरमा अवतरण गरेपछि यात्रुहरूलाई हलुका चोट लागेको थियो । ल्यान्डिङ गियरमा आंशिक क्षति पुगेको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्