२२ असार २०८३, सोमबार
पाकिस्तानमा चीन–पाकिस्तान आर्थिक कोरिडोरको साइटमा खिचिएका तस्वीरहरूले सामाजिक सञ्जालमा चर्चा बटुलिरहेका छन् ।
चिनियाँ कामदार तथा इन्जिनीयरहरूले आफ्नो साधनका साथै एके–४७ राइफल पनि बोकेको तस्वीर सार्वजनिक गरिएको हो ।
केही दिनअघि पाकिस्तानमा चिनियाँ कामदारहरू बोकेको एक बसमा आतंकवादी आक्रमण गरिएपछि त्यहाँ कार्यरत चिनियाँ नागरिकमा भयको वातावरण छ ।
त्यसो त चिनियाँ कामदारहरूले काम गर्ने ठाउँमा सुरक्षाको व्यवस्था गरिएको हुन्छ । तर त्यति हुँदाहुँदै पनि बेग्लाबेग्लै ठाउँमा चिनियाँ नागरिकहरूमाथि आक्रमण हुने गरेका छन् ।
चीनले करोडौं रुपैयाँ खर्च गरेर स्पेसल सेक्युरिटी डिभिजन बनाएको थियो । पाकिस्तानमा चिनियाँ नागरिकलाई सुरक्षित राख्ने त्यसको काम हो । पाकिस्तानलाई पनि चीनले कामदारहरूको सुरक्षा गर्न भनेको छ । तैपनि आक्रमण भइरहेका छन् ।
चिनियाँ इन्जिनीयरहरूले उपयोग गर्ने हतियार हक्कानी नेटवर्कले उपलब्ध गराएको बताइँदैछ । चिनियाँ कामदारले अन्य देशका नागरिकमाथि कठोर व्यवहार गर्ने गरेको सबैलाई थाहा छ । यस्तोमा अहिले चिनियाँ कामदारले हतियार बोकेर हिँड्दा स्थानीय पनि त्रसित छन् ।
