जनता समाजवादी पार्टी (जसपा) नेपालको संसदीय दलको बैठक शुरू भएको छ ।

सिंहदरबारस्थित संसदीय दलको कार्यालयमा शनिवार बसेको बैठकले संसदीय दलको नेता चयन गर्ने बताइएको छ । 

निर्वाचन समितिद्वारा निर्वाचन तालिकासहित विधि र प्रक्रिया सार्वजनिक गरेको छ । 

शुरूमा सर्वसम्मतिले दलको नेता चयनको प्रयास गर्ने तर सहमति नजुटे निर्वाचनमार्फत् दलको नेता चयन गर्ने जसपाले जनाएको छ । 

दलको बैठकमा २१ जना संघीय सांसदको उपस्थिति छ ।