काठमाडौं, २९ जेठ– नेपाल वायुसेवा निगम (एनएसी)ले नयाँ (बाइ वाईडबढी एयरबस ए ३३०–२००) जहाज खरिदका लागि नागरिक लगानी कोष (सीआईटी)सँग ऋण सम्झौता गरेको छ ।
सम्झौता अनुसार एयरबस खरिदका लागि नागरिक लगानी कोषले नेपाल वायुसेवा निगमलाई १२ अर्ब रुपैयाँ ऋण सहयोग गर्ने छ । ऋणको व्याजदर ९ प्रतिशत रहेको छ ।
जहाज खरिदका लागि भएको सम्झौतामा कोषका कार्यकारी निर्देशक रामकृष्ण पोखरेल र निगमका महाप्रवन्धक सुगतरत्न कसांकारले हस्ताक्षर गरेका छन् ।
कोषले नेपाल सरकारको जमानतमा निगमलाई जहाज खरिदको लागि ऋण दिन लागेको हो । जहाज खरिदको लागि प्रदान गर्ने रकमको ब्याजदर पहिलो व्यावसायिक उडान नभएसम्मको लागि परिवर्तन नहुने ब्यवस्था गरिएको छ ।
जहाज खरिदका लागि नागरिक लगानी कोषले उपलब्ध गराएको ऋणको भुक्तानी निगमले १५ वर्षसम्म गर्ने छ ।
