२१ जेठ २०८३, बिहीबार
अफगानिस्तानमा तालिबानले देशको दोस्रो ठूलो शहर कन्दहार समेत १७ वटा प्रान्तमा कब्जा गरिसकेको छ ।
तालिबानविरुद्ध लड्नेहरूले धमाधम आत्मसमर्पण गर्न थालेका छन् ।
हेरात प्रान्तको गभर्नर रहिसकेका युद्धसरदार इस्माइल खानले पनि तालिबानसमक्ष आत्मसमर्पण गरेका छन् ।
उनी र उनका लडाकूहरू तालिबानको नियन्त्रणमा आफ्नै घरमा छन् । आफूलाई तालिबानले राम्रो व्यवहार गरिरहेको उनले बताएका छन् ।
त्यस्तै अफगान सरकारका गृह राज्यमन्त्री रहमान, हेरात प्रशासन प्रमुख खयाल नबी अहमदजई, हेरातका गभर्नर अब्दुल सबुर काने र राष्ट्रिय सुरक्षा निर्देशक हसाब सिद्दीकीले पनि तालिबानसमक्ष आत्मसमर्पण गरेका छन् ।
अफगान उपराष्ट्रपति अमरुल्ला सालेह ताजिकिस्तानतर्फ भागेका छन् । उनले छिट्टै भिडियो सन्देश सार्वजनिक गर्ने बताइएको छ ।
तालिबानका प्रवक्ता कारी मोहम्मद युसुफले आत्मसमर्पण गरेका सबैको जीवनको सुरक्षा र सम्मानजनक जीवन बाँच्ने अधिकार सुनिश्चित गरिएको बताए ।
