२९ असार २०८३, सोमबार
अंग्रेजको शासनबाट भारत आज स्वतन्त्र भएको दिन, भारतभर ७५औं स्वतन्त्रता दिवस मनाइँदैछ ।
भारत सरकारले आजको दिनलाई ‘स्वतन्त्रताको अमृत महोत्सव’का रूपमा मनाउने निर्णय गरेको छ ।
स्वतन्त्रता दिवसको अवसरमा आज देशभर खुशीयाली र महोत्सव हुने भारतीय सञ्चारमाध्यमले जनाएका छन् ।
विभिन्न ठाउँमा मन्त्रालय, राज्य सरकार, सैन्य बल, प्रशासनिक निकाय र जनस्तरमा स्वतन्त्रता दिवसको कार्यक्रम हुने भएका छन् ।
स्वतन्त्रता दिवसको नेतृत्व भारतीय प्रधानमन्त्री नरेन्द्र मोदीले गर्नेछन् । आइतवार बिहान प्रधानमन्त्री मोदीले नयाँदिल्लीस्थित लालकिल्लामा झण्डा फहराउँदै देशवासीलाई सम्बोधन गर्ने कार्यक्रम छ ।
७५औं स्वतन्त्रता दिवस मनाउन प्रधानमन्त्री मोदीले मार्च २०२१ मा गुजरातको अहमदाबादस्थित साबरमती आश्रमबाट ‘स्वतन्त्रताको अमृत महोत्सव’ शुरू गरेका थिए । महोत्सव १५ अगस्त २०२३ सम्म चल्ने जनाइएको छ ।
