३० जेठ २०८३, शनिबार
माधव नेपाल अध्यक्ष रहेको नेकपा (एकीकृत समाजवादी) पार्टीका केन्द्रीय सदस्य प्रेम आलेले आफूहरूसँग साविक एमालेका ६२ केन्द्रीय सदस्य र ३१ सांसद रहेको दाबी गरेका छन् ।
सनाखतका लागि बुधवार निर्वाचन आयोग पुगेका सांसद आलेले नयाँ दल दर्ताका लागि आवश्यक केन्द्रीय समिति र संसदीय दलमा २० प्रतिशत पुग्ने दाबी गरेका हुन् ।
प्रतिनिधि सभा र राष्ट्रिय सभामा गरेर एमालेका १५५ सांसद छन् । २० प्रतिशतको लागि ३१ सांसदको आवश्यकता पर्छ ।
संसदीय दलमा २० प्रतिशत नपुगे पनि केन्द्रीय कमिटीमा मात्र २० प्रतिशत उपस्थित भए पनि माधव नेपालको पार्टीले आधिकारिकता पाउने छ ।
हस्ताक्षर सनाखत भएमा निर्वाचन आयोगले आजै दल दर्ताको प्रमाणपत्र दिने तयारी रहेको स्रोतले बतायो ।
चन्द्रागिरी रिसोर्टबाट टुरिस्ट बस चढेर माधव नेपाल पक्षका नेताहरू आयोग पुगेका थिए ।
