०२ साउन २०८३, शनिबार
नेकपा एकीकृत समाजवादी पार्टीका अध्यक्ष माधव नेपालले आफ्नो पार्टी प्रधानमन्त्री शेरबहादुर देउवा नेतृत्वको सरकारमा सहभागी हुने बताएका छन् । नयाँ सरकार बनाउने गठबन्धनमा आफूहरूको पनि भूमिका रहेकाले सरकारमा सहभागी हुने बताएका हुन् ।
‘सरकारमा सहभागी हुन्छौं, पाँचदलीय गठबन्धनमा भए पनि हिजो भन्न गाह्रो थियो । औपचारिक रूपमा भन्न गाह्रो भएको थियो, अब छैन,’ नेपालले भने । देउवालाई प्रधानमन्त्री बनाउन माधव नेपाल पक्षका सांसदले हस्ताक्षर गरेका थिए ।
नेता नेपालले पार्टीको नाम समाजवादी राखेपनि कम्युनिस्ट विचारधारा नछाड्ने बताए । ‘नेकपा छाड्दैनौं, नेपालमा कम्युनिस्ट आन्दोलन लोकप्रिय छ । कम्युनिस्ट आन्दोलन राष्ट्रियता, जनजीविका र सामाजिक न्यायको आन्दोलन हो,’ नेपालले भने ।
