२१ जेठ २०८३, बिहीबार
जीवन बीमा तथा निर्जीवन बीमा समूहको शेयरमा उच्च अंकले गिरावट आएपछि धितोपत्र बजारमा शेयर कारोबार मापक नेप्से परिसूचकमा ठूलो गिरावट आएको छ ।
लगातार करेक्सन देखिन थालेको शेयर बजारमा मंगलवारको गिरावट पछिल्ला दिनहरूमध्येको सबैभन्दा ठूलो हो ।
झण्डै ३ हजार ३०० विन्दुको नजिक पुगेको नेप्से ओरालो लागेर २ हजार ९०० को विन्दुमा ओर्लेको छ । नेपाल स्टक एक्सचेञ्जका अनुसार नेप्सेमा ६९.०५ विन्दुले घटेर २ हजार ९७५.८४ मा ओर्लेको छ ।
ठूला कम्पनीको शेयर कारोबार मापन गर्ने सेन्सेटिभ परिसूचक १२.३४ विन्दुले घटेर ५५०.५२ मा ओर्लेको छ । नेप्सेसँगै कारोबार रकमसमेत घटेको छ ।
कूल २२७ कम्पनीको २ करोड ३१ लाख २ हजार ७१३ कित्ता शेयर १३ अर्ब २५ करोड ९६ लाख ९६ हजार १०७ मूल्यमा खरिद बिक्री भए ।
कारोबार भएका १३ वटै उपसमूहको शेयर मंगलवार ओरालो लागेको छ । मंगलवारको कारोबारपछि बजार पूँजीकरण समेत ४१ खर्ब ५७ अर्ब ८४ करोड ४१ लाख ८० हजारको हाराहारीमा ओर्लेको छ ।
कारोबार भएका बैंकिङ २२.९९, व्यापार १०६.०१, होटल तथा पर्यटन ४६.७, विकास बैंक २०५.७४, जलविद्युत् १२४.२७, वित्त १०१.४८, निर्जीवन बीमा ३७२.५८, उत्पादन १९८.७३, अन्य ६२.७४, लघुवित्त १६४.०६, जीवन बीमा ४४७.९८, सामूहिक लगानी कोष ०.१३ र लगानी २.८ विन्दुले ओरालो लागे ।
कारोबार भएकामध्ये मंगलवार अरुण भ्याली हाइड्रोपावर शीर्ष स्थानमा रहे । सो कम्पनीको १ अर्ब १ करोड ५ लाख ७३ हजार ३८३ बराबरको कारोबार भयो । हिमालयन डिस्टिलरी ४९ करोड २३ लाख १३ हजार ८८३, अपि पावर कम्पनी २९ करोड ७८ लाख २६ हजार, नेपाल बैंक २९ करोड ७४ लाख ६९ हजार ४०० र गुडविल फाइनान्स २९ करोड ६५ लाख १ हजार १७२ को कारोबार भई शीर्ष स्थानमा रहे ।
कर्णाली डेभलपमेन्ट बैंक ७.५८, मनकामना स्मार्ट लघुवित्त ६.०८, सपोर्ट माइक्रोफाइनान्स ५.९६, कर्पोरेट डेभलपमेन्ट बैंक ४.६३, सिटिजन म्युचुअल फण्डका लगानीकर्ताले २.८४ प्रतिशतले कमाए । उता रुरु जलविद्युत् परियोजना ९.९९, माउन्टेन हाइड्रो नेपाल ७.७६, हिमलायन ऊर्जा विकास कम्पनी ६.९२, सिभिल लघुवित्त ६.५९ र घलेम्दी हाइड्रो पावरका लगानीकर्ताले ५.९४ प्रतिशतले गुमाए ।
