२० असार २०८३, शनिबार
इजरायलको सबभन्दा सुरक्षित मानिएको एक कारागारबाट ६ जना प्यालेस्टाइनी कैदीहरू भागेका छन् ।
सोमवार राति भागेका यी कैदीहरूलाई समात्नका लागि इजरायली अधिकारीहरूले व्यापक स्तरमा खोजी अभियान चलाएको छ ।
कैदीहरूले गिल्बाआ जेलमा विगत कैयौं महिनादेखि सुरुङ खनिरहेका थिए । त्यो सुरुङ जेलबाहिरको सडकसम्म बनेको थियो ।
हलिउड फिल्म द शश्यांक रिडेम्सनसँग यस घटनाको तुलना गरिएको छ ।
कैदी भागेको खबर सुनेपछि प्यालेस्टाइनीहरूले सडकमा निस्केर खुशियाली मनाएका थिए ।
किसानहरूले खेतैखेत कैदीहरू भागेको देखेपछि इजरायली अधिकारीहरूले जेलब्रेकको खबर पाएका थिए ।
भागेका कैदीहरू इस्लामिक जिहादका सदस्य थिए । एकजना चाहिँ प्यालेस्टाइनी उग्रवादी संगठन अल अक्सा मार्टर्स ब्रिगेडका पूर्व नेता थिए ।
इजरायली कारागार विभागका एक अधिकारीले यो सुरक्षा र गुप्तचरीको ठूलो चुक भएको बताए । प्यालेस्टाइनी उग्रवादी गुटहरूले कैदीहरूलाई बहादुर भनेका छन् ।
कैदीहरू बाथरूमको भुइँ फुटाएर सुरुङ बनाएर जेलबाट भागेका थिए ।
सुरक्षा निकायहरूका अनुसार, प्यालेस्टाइनी कैदीहरूले जेलबाहिर मानिसहरूसँग सम्पर्क गरेर कार बोलाएका थिए ।
וכך זה נראה מתוך תא 2 אגף חמש בכלא גלבוע.
— Josh Breiner (@JoshBreiner) September 6, 2021
פיר מנהרה בשירותים שהוביל אל מחוץ לחומות הכלא pic.twitter.com/IsKfG8B56R
