२२ असार २०८३, सोमबार
चीनले ताइवानलाई मुख्यभूमिको नियन्त्रणमा राख्नका लागि युद्धाभ्यास गरिरहेको छ । उता ताइवानले भने नयाँ युद्धपोत बनाइरहेको छ ।
चीनले ताइवानलाई आफ्नै भूभाग मान्दै आएको छ र बलप्रयोग गरेर भए पनि नियन्त्रणमा लिने धम्की दिँदै आएको छ ।
यो वर्ष बेइजिङले टापु कब्जा गर्न सक्ने आफ्नो क्षमताको परीक्षणका लागि जलसैन्य अभ्यास गरिरहेको छ ।
यसैबीच चीनको मेरिटाइम एडमिनिस्ट्रेसनले लेचो प्रायद्वीपभन्दा पश्चिमको क्षेत्रमा बिहीवार र शुक्रवार आवागमन बन्द गरिएको घोषणा गरेको छ । लाइभ फायर अभ्यासका कारण त्यसो गरिएको उसको भनाइ छ ।
आइतवार चीनले ताइवानको हवाईक्षेत्रमा १९ वटा आणविक बमवर्षक विमान र लडाकू विमान उडाएको थियो ।
यो वर्षको आरम्भमा चीनले ताइवानमा आक्रमण गर्ने प्रतिबद्धता व्यक्त गरेको थियो र आक्रमण गर्ने रणनीतिको तीन चरणको योजनाको झलक समेत दिएको थियो ।
चीनले ताइवानमा आक्रमण गरेमा अमेरिका पनि युद्धमा होमिन आउन सक्ने सम्भावना हुन्छ ।
